Breaking News


By Tony Ubani


I outraged nobi small. Wetin be dis call of JJ to come back to Eagles. I wan ask weda em forget anything for there. Where him dey wen Naija no qualify for World Cup in Germany. Time don reach wen we go learn to move forward instead of making progress from behind.
— Ibokwe Chijioke

As you dey halla make em no come back, na so some others dey halla make em come back. Okocha neva talk and Amodu sef neva talk weda em need Okocha. E be like say Okocha dey enjoy d debate. I hope say Okocha no go miss road to Eagles training base like em do for London. We are waiting and watching.
Biko I dey wonder wetin Super Eagles boss still dey wait for. Abi e wan receive amnesty join salary bifor e go fetch us with young talented players wey plenty for our local clubs dem.Tell am o! Enough is enough for those finished products wey em dey use.
— Nduka Onuonicha         07068304441
Ef em get ear, make em hear. Enough for the wise or dem go give am Onuigbo snuff
Tony Tompolo,
Which Club you dey abi you no dey watch match. Na you know.
— 08078780217

Anybody wey no dey watch match no dey live. Na past tense em belong to. I no belong to Clubs for Life or forever. I dey watch match to live to watch anoda day.
Platini dey chop big wages in the 80s with Juventus. He did not complain. He’s just jealous of Madrid. Tony nice concept with your Sports Vanguard. Mr Francis and Johnbull designs are Xellent.
— Oloko 07025708401

Life dey move forward. Wen dem dey play, I remember some play say dem money too much. the truth be say money no get value again. Those wey dey query big wages na becos nobi dem pocket em dey land. Thanks for your comments on Sports Vanguard. I thank God for his mercies. With your support and dat of our management, we no go stop. Instead, we go give una the BEST.

Thanks for una new innovation, Sports Vanguard on Friday. I hope you don’t get tired.
— Iorliam 08051990203

Once dem put money for our pocket well well like Ronaldo and Kaka, we dey ready to work night and day to give una the best. And with God behind us and una solidly patronizing us, the sky will be our beginning.
Tony Tompolo,
Nawa for Real Madrid. Na true say dem MAD? Dem tink say with all dem money wen dem dey spend, dey fit beat Barca. Make dem no worry. Na small clubs go dey beat dem any how.
—Remzy 08078780217

Mad person no fit get money wey Madrid get. Unless you dey look at dem name, Mad-rid. Na only wen person no plan em life well, e go dey blame witches and wizards for em misfortune.
Like Akwa United, like Beach Eagles. But Beach Eagles nobi arrangee one, no accord, no wuruwuru, no mago-mago.
— 08051268244

Na Naija we dey. Dis na land of abracadabra. Anything can happen. Ef dat kind thing no happen, nobi Naija we for dey.
Plse, tell NFF to bury Zamfara/Kaduna Utd 9-0 match issue. We all know Akwa Utd and Calabar Rovers 13-0. Man wey dig grave go enter inside one day.
— Ebiowei D Izonman@yenagoa        08051268244

African proverb. Person wey dem interpret proverb for mean say em mother bride price miss road. NFL and Akwa Utd make una count una teeth with una tongue.
Send Outraged mails to or sms to 08050498547(sms only. Nobi to beg me for recharge card. I no dey work for Globacom, MTN or Zain).


Comments expressed here do not reflect the opinions of vanguard newspapers or any employee thereof.